L'OSPITE DEL MESE - Pasquale Costa - Marzo 2013

• 
  

  Pasquale Costa, vive a Messina dal 1957. Sin da ragazzo ha scritto poesie in vernacolo e in lingua. Nel 2011 ha ricevuto una menzione al premio Colapesce, dove nel 2012 si è classificato secondo (poesia in vernacolo). E' presente nella antologia "Una poesia per l'Abruzzo" (Nep - 2009) a cura di Rocco Gio Fodale.

  
  
  

  * * * 

  
  LI CUDDURI DI PASCA
  dialetto siciliano
  
  
  Me’ mamma facia li cudduri,
  li facia cu’ l’ova e cu tantu amuri,
  li facia cu’ cummari Tanuzza,
  ogni annu li facia pi’ la Pascuzza.

  
  A Pasca rumpiumu li cudduri,
  cotti ‘nta lu furnu a ligna,
  cotti cu’ tantu caluri,
  e fatti cu’ lu pani e l’ova duri.
  
  Si bugghiunu l’ova prima di ddu jornu,
  si impastava lu pani l’indumani,
  si mittiunu l’ova supra la pasta e lu cummogghiu,
  si faciunu manichi e intrecci cu’ li mani.
  
  Poi si passava l’ovu ruttu cu la pinna,
  pi mettiri dopu la ciciulena,
  poi ‘nta lu furnu prontu li mittia me’ mamma,
  e ‘na vota cotti, Tanuzza li niscia cu’ bona lena.
  
  Pi nui picciriddi era ‘na bella jurnata,
  giucavumu cu’ la pasta di lu pani,
  nni pigghiavumu spissu ‘na rimproverata,
  ma nni scurdavumu tuttu l’indumani.
  
  Oggi mi ricordu di ddi cudduri,
  di lu ciauru chi niscia di lu furnu,
  mi ricordu di dda festa e di ddu caluri,
  oggi lu stissu veni Pasca, ma non c’e dd’amuri!
  
  
  

  * * *  

  
  

  
  LA VINNIGNA 
  
  
  Ciauru di mustu,
  ciauru di castagni arrustu,
  ‘nta butti ormai è chiusu,
  ‘nta cantina chi sta iusu.
  Fruttu di tantu travagghiu,
  carriatu chi cofana chini a paraggiu,
  di lu viddanu cuntentu e stancu,
  chi sauta, balla, senza parancu.
  ‘Nto palmentu la racina iddu pistau,
  l’utri inchiu e cu lu decalitru cuntau:
  otto Maria, tridici Lucia,
  chistu pi lu patruni, chiddu pi mia.
  Travagghiu primiatu cu lu piscistoccu e vinu,
  si fici notti, quasi matinu,
  lu patruni chi era a riposu,
  manciava puru iddu, sittatu susu.
  Tempi beddi pi li divertimenti,
  tempi brutti pi li sfruttamenti,
  lu travagghiaturi era cuntentu,
  anchi si travagghiava tantu, tantu.
  Ora non si cunta cchiù lu mustu,
  non si carria ca cofana la racina,
  nautra vita nni spetta a la matina,
  sempri, sempri scuntenti, non c’è gustu. 

  
  

  
  

  * * * 
•